Në Spanjë janë të bindur, ylli i Liverpool do transferohet te Reali i Madridit 28/12 17:06
Pretendentët kryesorë për fitoren e turneut të fundit “Grand Slam” të vitit, “US Open”, nuk i zhgënjyen tifozët e tyre.
Roger Federer kaloi në raundin e tretë të turneut, pasi mundi francezin Benoit Paire me rezultatin 3-0. Numri dy i renditjes botërore hasi vështirësi vetëm në setin e parë kundrejt rivalit të tij, duke e fituar këtë fraksion 7-5. Më pas, Federer nuk i lejoi asgjë Pairesë në lojë, pavarësisht përpjekjeve të këtij të fundit, me zviceranin që fitoi dy setet e tjerë me të njëjtin rezultat 6-4.
U kualifikua për në raundin e tretë edhe Novak Djokoviç, që eliminoi amerikanin Sandgren me rezultatin 3-1. Seti i parë ishte një formalitet për tenistin serb, që e nbylli atë 6-1. Por, Sandgren u kundërpërgjigj në të dytin, të cilin e fitoi 6-3. Seti i tretë ishte më i ekuilibruari i kësaj sfide, me Djokoviç që e fitoi me “tiebreak” 7-6, ndërkohë që të katërtin e fitoi me lehtësi 6-2.
Në kampin e femrave u kualifikua për në raundin e tretë të “US Open”, Maria Sharapova. Tenistja ruse, numri 22 i botës, mundi rumunen Cirstea me rezultatin 2-0. Sharapova fitoi pa probleme setin e parë 6-2, ndërkohë që në të dytin Cirstea rezistoi më shumë.
Gjithsesi, edhe ky fraksion shkoi në favor të ruses, që e fitoi 7-5. Vuajti jo pak Jelena Ostapenko në ndeshjen ndaj amerikanes Townsend, të cilën e mundi 2-1. Townsend fitoi setin e parë 6-4, por letonezja reagoi dhe fitoi dy setet e tjerë 6-3 dhe 6-4.
Top Channel
