Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Presidenti i Flamurtarit, Sinan Idrizi është një nga drejtuesit që gjithmonë ka kërkuar civilizimin e stadiumeve shqiptare, madje herë pas here duke marrë edhe masa drastike në zbrazjen e tribunave vetëm prë arsye të fjalorit vulgar që përdoret rëndom në stadiumet shqiptare.
Gjithsesi, në çështjen e sigurisë dhe rikthimit të policisë në stadiumet shqiptare, ai ka një mendim ndryshe nga kolegët e tij, të shprehur në intervistën e dhënë për Top Channel.
“Policia nëpër stadiume nuk është një akt civil, nuk është një akt qytetar. Për mua nuk është një vendim i parakohshëm, është një vendim që duhet mbështetur. Thjesht duhet të diskutohen detajet e tjera që rrjedhin pas këtij vendimi. Pra, nga njëra anë ne duhet të forcojmë ligjin, e nga ana tjetër duhet që stadiumet tona të bëhen civile. Është shumë e thjeshtë, nuk mbahet çdo gjë në Shqipëri me uniformën e policit, por ka një problem të madh, që klubet shqiptare nuk janë të përgatitura financiarisht të përballojnë këtë situatë”, tha Sinan Idrizi, administrator i Flamurtarit.
Sa i përket thirrjes për bojkot nga kolegët e tij, Idrizi është kundër kësaj zgjidhjeje.
“Nëse neve sot nxjerrim si parësore bojkotimin e kampionatit për shkak të elementëve të largimit të policisë nga stadiumet, më duket si gjëja e fundit që të mendojmë për të bërë. Ejani të dialogojmë, por jo të bojkotojmë”, tha Sinan Idrizi.
Për administratorin e klubit të Flamurtarit, zgjidhja është e thjeshtë për këtë situatë.
“Një qytetërim si anglosaksonët, që janë disa kohë përpara nesh, e shtrënguan stadiumin nëpërmjet ligjit, jo nëpërmjet policisë, nëpërmjet ligjit! Vendosni kamerat nëpër stadiume, identifikoni njerëzit që janë problematik dhe çdo gjë mbyllet thjesht, sepse bojkoti është një fjalë shumë e rëndë”, tha Idrizi.
Top Channel
