Tmerri jashtë gjyqit të Trump-it, ndërron jetë 37-vjeçari që i vuri flakën vetes (Foto) 20/04 09:47
Qeveria gjermane do të paraqesë brenda këtij viti një ligj të ri për emigracionin. Për këtë kanë rënë dakord partitë në koalicionin qeveritar, por përmbajtja e një ligji të tillë është ende e paqartë.
Ka mbi 50 leje të ndryshme që mundësojnë qëndrimin në Gjermani, në legjislacionin gjerman. Këtu bëjnë pjesë viza për artistët, leja e kufizuar e qëndrimit, leja e pakufizuar e rezidencës, “Karta Blu” e Bashkimit Europian për punonjës shumë të kualifikuar, e kështu me radhë.
Veç kësaj ekzistojnë edhe shumë rregulla e dekrete, të shpërndara në të gjithë legjislacionin gjerman.
Një ligj i posaçëm për emigracionin deri tani ka munguar në Gjermani. Një ligj i tillë është pjesë e programit të socialdemokratëve prej vitesh, por pa u konkretizuar asnjëherë.
Tani, edhe parti të tjera janë të hapura ndaj tij. Pritet që ministri i Brendshëm, Horst Seehofer, të prezantojë një projektligj të tillë në tetor, pavarësisht se përmbajtja për momentin është e paqartë.
SPD-ja në fushatën parazgjedhore kishte dalë me një projekt të orientuar sipas modelit kanadez. Çdo vit, një numër i caktuar emigrantësh të lejohen në Gjermani. Ata do të përzgjidheshin në bazë të një sistemi, me pikë për arsimin, përvojën profesionale, njohuritë e gjermanishtes dhe të afërmit në Gjermani.
Sipas këtij modeli, teorikisht do të mund të emigroje në Gjermani, pa pasur një ofertë për një punë të caktuar. E kjo është kritikuar nga kristiandemokratët. Sidoqoftë, për të gjitha palët është e qartë se rregullat aktuale janë shumë të ndërlikuara.
Top Channel
