Greqi, arratisen 3 shqiptarë të arrestuar për vjedhje – FOTO
19/06/2018 09:41
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Tri shtetas shqiptarë të dënuar për vjedhje dhe hyrje me forcë në shtëpi, të arrestuar më 13 qershor, janë arratisur nga qelitë e Departamentit të Policisë së Argyroupolit.
Ata mundën të sharronin me fletë metalike hekurat e tualetit të paraburgimit rreth orës 6:30 të mëngjesit të kësaj të marte, për t’u hedhur më pas nga një lartësi prej 10 metrash.
Shqiptarët u pikasën nga oficerët e policisë, që u përpoqën t’i ndalnin pa sukses, pasi ata arritën të kapërcenin gardhin dhe të largoheshin prej andej. Ata janë identifikuar si Marjus Dedolli, i datëlindjes 1987; Gertian Vrushaj, i datëlindjes 1994; si dhe një 17-vjeçar, emri i të cilit nuk jepet pasi është i mitur.
Ata ishin arrestuar 6 ditë më parë si anëtarë të një bande përgjegjëse për mbi 70 raste vjedhjeje në Qarkun e Atikës, me një total prej mbi 400 mijë euro të siguruara nga këto veprime të paligjshme.
Shefi i Unionit të Oficerëve të Policisë, në Atikën Juglindore, Giorgios Kalliakmanis theksoi se “prej kohësh, shoqata e tyre kishte vënë në dukje papërshtatshmërinë e godinës që strehonte Departamentin e Sigurisë dhe kishin denoncuar problemet e Drejtorisë së Policisë së Atikës Juglindore”.
Top Channel
