Momentet e pabesueshme kur burri ‘rikthehet nga vdekja’ pak para se të futej në krematorium në Indi (foto-video)
25/11 15:22
Kina po dërgon raketa në zonën e diskutueshme të detit të Kinës Jugore për të intimiduar dhe shtrënguar fqinjët e saj.
Ky është paralajmërimi i bërë nga Sekretari amerikan i Mbrojtjes, James Mattis, teksa ka folur nga Singapori, gjatë një konference sigurie. Sipas gjeneralit Mattis, veprimet e Pekinit po ngrejnë pikëpyetje mbi objektivat e saj për zgjerim të ndikimit.
Veç kësaj, ai deklaroi gjithashtu se çështja e trupave amerikane në Korenë e Jugut nuk mund të shtrohet në tryezë për diskutim, gjatë samitit të këtij muaji mes presidentit Trump dhe udhëheqësit të Koresë së Veriut, Kim Jong-un.
“Shtetet e Bashkuara dëshirojnë denuklearizimin e plotë të gadishullit Korean”, do të shtonte ai.
Edhe ministri koreano-jugor i Mbrojtjes ka thënë gjatë samitit të sigurisë “Shangri-La Dialogue”, se prania e forcave amerikane në Korenë e Jugut është krejtësisht i ndarë nga çështja bërthamore e Koresë së Veriut.
Aktualisht, në Korenë e Jugut ndodhen të dislokuara rreth 28.500 trupa amerikane.
Në konferencën e mbajtur këtë fundjavë, Mattis deklaroi se Pekini ka dërguar pajisje ushtarake, përfshi edhe raketat antianije, ato tokë-ajër dhe pajisje për diktimin e sinjaleve elektronike në ishujt artificialë të detit të Kinës Jugore.
“Pavarësisht se Kina pretendon të kundërtën, vendosja e këtyre sistemeve të armatimeve është e lidhur drejtpërdrejt me përdorime ushtarake me qëllim intimidimin dhe shtrëngimin”, u shpreh Mattis, teksa shtoi se administrata e presidentit Trump dëshiron një marrëdhënie konstruktive me Kinën, por mund të konkurrojë fuqishëm nëse do të jetë e nevojshme.
Amerika, sipas tij, e pranon se Kina duhet të ketë një rol të rëndësishëm për të luajtur në rajon.
Deti i Kinës Jugore, një nga portat kyçe tregtare në rajonin përkatës është subjekt i pretendimeve të mbivendosura mes 6 shtetesh. Kina ka krijuar ishuj të vegjël artificialë, duke i kthyer ato tashmë në mjedise për qëllime ushtarake.
Muajin e kaluar, Kina uli për herë të parë avionë bombardues në ishullin “Woody”, pjesë e ishujve “Paracel”, duke nxitur reagimin dhe paralajmërimin e Uashingtonit se Pekini po destabilizonte rajonin.
Ishulli “Woody”, të cilin Kina e quan “Yongxing”, pretendohet edhe nga Vietnami e Taivani.
Top Channel
Top News/ Fundoset anija me turistë/ Fatkeqësi në Detin e Kuq, 28 persona të shpëtuar, 17 të zhdukur
Top News/ Britania godet Flotën Hije të Rusisë/Valë e re sanksionesh për ‘burimin e parave’ të Putin
