Debate në KLP, Tiranës dhe Elbasanit i mungojnë 51 prokurorë
18/07 21:17
Ujërat e Adriatikut konfirmohen sërish si rrugë e rëndësishme e trafiqeve të paligjshme mes Shqipërisë dhe Italisë.
Pas një operacioni të “Guardia di Finanza”-s në Otranto, në ujërat ndërkombëtare pranë Salentos u sekuestruan dy tonë hashash, e në mjetin lundrues që transportonte drogën u gjet edhe një armë e tipit kallashnikov.
Katër persona kanë përfunduar në pranga, që të gjithë shtetas shqiptarë. Ndjekja e tyre zgjati për disa minuta, përpara se forcat italiane të arrinin t’i ndalonin.
Vetëm një muaj më parë, po në zonën e Salentos u kap një gomone me gjysmëtoni marijuanë të nisur nga Shqipëria. Në pranga përfunduan dy skafistët shqiptarë.
Nëse do të ishte shitur në tregun e zi, lënda narkotike, sipas përllogaritjeve të bëra atëherë do t’iu kishte sjellë trafikantëve fitime prej gati 5 milionë eurosh.
Top Channel
