Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Ish sulmuesi i Interit, Adriano rikthehet në ‘Suning Training Center’, ku vizitoi skuadrën zikaltër dhe takoi e bisedoi nga afër me trajnerin Spalletti dhe kapitenin Icardi.
Sulmuesi brazilian mori edhe një bluzë zikaltër me numrin 10 dhe me emrin e tij, ndërsa në fund foli edhe për mediat e pranishme.
“Ruaj kujtimet më të bukura për tifozët, njerëzit dhe popullin këtu. E kam thënë gjithmonë që kjo është shtëpia ime e dytë, ndaj jam shumë i lumtur që jam këtu. Jam shumë i emocionuar edhe për pritjen që më bënë tifozët. Ata e dinë çfarë njeriu jam, ndaj i falënderoj për gjithë mbështetjen ndaj meje, që nuk do ta harroj gjithë jetën”, tha Adriano.
Më pas ish sulmuesi i Interit në periudhën 2004-2009 foli edhe për kapitenin zikaltër, Mauro Icardi, ndërsa tha se skuadra duhet të rikthehet patjetër në Champions këtë sezon.
“Ishte hera e parë që takohesha me Icardin dhe folëm nga pak për çdo gjë. Kur të vij herën tjetër, do të flasim më gjatë. Ai është një sulmues shumë i fortë, por edhe i përgjegjshëm. Ne sulmuesit kemi përgjegjësi për të shënuar dhe për t’i dhënë fitoren skuadrës, por Mauro ka dyfish përgjegjësi, pasi është edhe kapiten i Interit. Atij dhe Spallettit u kam kërkuar të bëjnë të pamundurën për ta rikthyer Interin në Champions”, u shpreh Adriano.
Top Channel
