Beogradi ka reaguar për deklaratën e Kryeministrit Edi Rama në Kuvendin e Prishtinës me rastin e 10-vjetorit të Pavarësisë së Kosovës.
Ministri i Jashtëm, Ivica Daçiç thotë se ndjehet i habitur nga reagimi i Brukselit.
“Rama e tha troç! Shqipëria dhe Kosova duhet të jenë një shtet me një president, një politikë të jashtme dhe një politikë sigurie dhe askush nuk e kritikon atë”, u shpreh ai për Tanjug.
Daçiç hoqi një paralele me Republikën Serbe në Bosnje.
“Çfarë duhet të bëjmë ne? Të themi edhe ne që me Republikën Serpska duhet të ketë vetëm një president, një politikë të jashtme dhe një politikë sigurie?”, shtoi kryediplomati serb.
Sipas Daçiç, Serbia po u qëndron larg provokimeve, por sërish merr koston e padrejtë të kritikës nga BE.
“Dhe le të dalë dikush e të thotë se nuk ka standarde të dyfishta këtu”, deklaroi ai.
Ndërkohë, më i ashpër ishte ministri për Inovacionin dhe Zhvillimin Teknologjik, Nenad Popoviç. Ai kërkoi që Serbia ta shpallë Edi Ramën person “non grata”, ndërsa ministri serb i Mbrojtjes, Aleksandër Vulin dënoi atë që e cilësoi si përpjekje të Ramës për të krijuar Shqipërinë e Madhe
Top Channel
