“Serbia nuk luan dot me Kosovën”/ Deputeti gjerman, Thomas Hacker: Bisedime të reja pas zgjedhjeve
24/11 12:24
Gjatë seancës së shkurtër solemne të Kuvendit të Kosovës, në kuadër të 10-vjetorit të Pavarësisë, fjalën e ka marrë edhe kryeministri i Shqipërisë, Edi Rama.
Kreu i ekzekutivit shqiptar theksoi se një dekadë më parë, pas thuajse një shekulli përpjekjesh, Kosova realizoi një aspiratë të madhe historike, duke u bërë shteti më i ri në hartën e Europës dhe të botës.
“Vetëm dy dekada më parë, premtimi i Pavarësisë së Kosovës ishte më shumë utopi sesa një objektiv i realizueshëm, por heronjtë e dalë nga gjiri i këtij populli bënë të pamundurën realitet”, theksoi ndër të tjera Rama.
E këtu gjeti vend edhe ideja e parealizueshme e momentit, siç u kujdes ta theksonte, e një afërsie edhe më të madhe mes dy vendeve.
“Kosova dhe Shqipëria do të kenë një politikë të jashtme e jo veç ambasada dhe përfaqësi diplomatike të njëjta, po pse jo një president simbol të unitetit kombëtar dhe një politikë kombëtare të sigurisë. Mbase ky parafytyrim sot mund të mos jetë i qëllueshëm në rrafshin e racionales, por historia na këshillon se çfarë është e drejtë të ëndërrohet, nuk është e pamundur të realizohet”, tha Rama.
Më tej, ai vuri theksin edhe te dialogu i vështirë i Prishtinës me Beogradin, për të cilin tha se, edhe ky, pas disa vitesh do të jetë thjesht një histori.
Top Channel
