“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Kosova dhe Mali i Zi nuk kanë probleme mes tyre dhe janë në të njëjtën rrugë drejt Europës.
Në konferencën e përbashkët për shtyp, kryeministri i Kosovës Ramush Haradinaj dhe homologu i tij malazez, Dushko Markoviç, i cili po qëndron në një vizitë dy-ditore në Prishtinë, u shprehën optimistë për çështjen e demarkacionit. Kryeministri i Malit të zi tha se vendi i tij dëshiron ta ndihmojë Kosovën në zgjidhjen e çështjes së kufirit .
“Mali i Zi dëshiron që si një fqinj dhe si mik i mirë, të ndihmojë në zgjidhjen e kësaj çështjeje. Përmes dialogut të vazhdueshëm do të kërkojmë zgjidhjen më të mirë në mënyrë që të mundësohet ratifikimi i marrëveshjes së demarkacionit dhe sigurimi i një mundësie të madhe për Kosovën, kur bëhet fjalë për integrimet evropiane”, tha Markoviç.
Gjithashtu kryeministri i Kosovës Ramush Haradinaj shprehu besimin se do të gjendet një zgjidhje për këtë çështje.
“Ekziston një vullnet i mirë që të gjendet një dalje nga gjendja në të cilën jemi, duke pasur parasysh zhvillimet e mëhershme dhe jam me shpresë që do të gjendet një dalje për këtë gjendje”, u shpreh Haradinaj.
Marrëveshja e nënshkruar në fund të gushtit të vitit 2015 është ratifikuar nga parlamenti i Malit të Zi, por kjo nuk ka ndodhur në Kosovë. Kundërshtarët e marrëveshjes pohojnë se Kosova humb mbi 8 mijë hektarë tokë.
Top Channel
