Në Davos të Zvicrës vazhdon për më shumë se 3 orë takimi i shumëpritur midis kryeministrave Tsipras dhe Zaev për çështjen e emrit.
Pasi kanë biseduar vetëm për vetëm për mëse dy orë, në takim kanë hyrë edhe ministrat e Jashtëm Nikos Kotzias dhe Nikola Dimitrov.
Pas mitingut madhështor në Selanik, ditën e diel, siç edhe theksojnë qarqet politike në Greqi është shtuar presioni mbi qeverinë greke dhe rezultatet e këtij takimi do të tregojnë se çfarë rruge do të marrin zhvillimet politike në Greqi, por edhe në ish-Republikën Jugosllave të Maqedonisë.
Dy kryeministrat duan të shqyrtojnë dhe zgjerojnë mundësitë e një konvergjence historike, përsa i përket emërtimit të ri të fqinjit verior të Greqisë, si dhe për çështjet e tjera që lidhen me kombin dhe gjuhën, e që ndajnë dy shtetet për gati 3 dekada.
Siç theksojnë burimet qeveritare, pala greke ka vënë në dukje se, që kur ka marrë qeverisjen e vendit, Zaev ka treguar gatishmëri për të filluar negociatat dhe për të kontribuar në kërkimin e një zgjidhjeje të pranueshme reciprokisht për emrin, një qëndrim ky i kundërt i krahasuar me irredentizmin e shprehur nga paraardhësit e tij.
Pak më parë u bë e ditur se negociatori i OKB-së për çështjen e emrit, Matthew Nimetz do të udhëtojë për në Shkup më 31 janar, e në datën 1 shkurt do të ketë takim me kryeministrin Zaev dhe ministrin e Jashtëm Dimitrov.
Κοινές δηλώσεις με τον Πρωθυπουργό της ΠΓΔΜ κ. Ζόραν Ζάεφ.
Κοινές δηλώσεις με τον Πρωθυπουργό της ΠΓΔΜ κ. Ζόραν Ζάεφ.
Posted by Alexis Tsipras on Wednesday, January 24, 2018
Top Channel
