“Do të të vras, mos mendo se nuk e bëj”
14/12/2017 10:29
Çfarë kanë të përbashkët Beniada, Jori dhe Heidi?! Ja si përgjigjet ish-finalistja e BBV 28/04 19:04
Akuza të reja në drejtim të producenit të Hollywood, Harvey Weinstein
Për Salma Hayek, Harvey Weinstein është një ‘monstër’ i tërbuar. Kështu ka shkruar aktorja meksikane për “New York Times”, duke e akuzuar producentin e famshëm se e ka ngacmuar seksualisht dhe e ka kërcënuar me vdekje.
“Më ka thënë ‘Do të të vras, mos mendo se nuk e bëj’”, shkruan Hayek në gazetën amerikane, duke iu shtuar listës së yjeve të Hollywood që kanë akuzuar Weinstein. Hayek pretendon se pasi firmosi marrëveshjen për realizimin e filmit “Frida” në vitin 2002, kushtuar artistes meksikane Frida Kahlo, ajo u detyrua disa herë të refuzonte kërkesat e Weinstein për marrëdhënie seksuale.
“Kam refuzuar të futem në dush me të, të më shohë duke bërë dush, të më bëjë masazh, të më bëjë masazh një shoqe e tij, të kryejmë marrëdhënie seksuale bashkë ose me një femër tjetër”, shkruan Hayek. 51-vjeçarja pretendon gjithashtu se ai e ka kërcënuar se do të ndërpriste regjistrimin e filmit nëse ajo refuzonte të xhironte skena marrëdhëniesh seksuale me një aktore tjetër. Një zëdhënëse e Weinstein ka hedhur poshtë pretendimet e Hayek.
Top Channel
Çfarë kanë të përbashkët Beniada, Jori dhe Heidi?! Ja si përgjigjet ish-finalistja e BBV 
