Eksperti evropian: Kushtëzimi i anëtarësimit të Kosovës në KiE me krijimin e Asociacionit pamundëson realizimin e të dyjave 04/05 20:52
Për të rejat më të fundit mbi zgjedhjet e sotme në Kosovë, i lidhur drejtëpërdrejt nga Prishtina me studion e lajmeve të Top Channel ka qenë zëdhenësi i KQZ-së, Valmir Elezi.
Valmir, përshëndetje! Si po ecën procesi i votimit deri në këto çaste që flasim dhe sa është pjesëmarrja?
Valmir Elezi: Në KQZ po grumbullojmë të dhënat nga të gjitha qendrat e votimit. Të fundit janë ato të orës 11, ku pjesëmarrja ka qenë rreth 7 për qind. Është e kuptueshme që paradite të jetë numër i ulët i votuesve, por ai do të rritet në orët në vazhdim dhe ato të fundit.
Nga trendi i deritanishëm duket se pjesëmarrja do të jetë më e ulët se në raundin e parë?
Valmir Elezi: Mund të ndodhë kështu po të kemi parasysh se në raundin e parë për zgjedhjet lokale kemi patur më shumë pjesëmarrje të partive, kemi patur rreth 7 mijë kandidatë të certifikuar për këshillat bashkiakë. Megjithatë do të presim fundin e ditës për të parë nëse pjesëmarrja do të jetë e njëjtë me zgjedhjet e tetorit, apo më e ulët. Krahasimet për pjesëmarrjen bëhen vetëm me komunat, që janë në këtë raund të dytë.
Valmir, a janë verifikuar probleme?
Valmir Elezi: Me rëndësi është se deri në këto momente procesi ka vijuar mirë, nuk ka pasur asnjë problem dhe shpresojmë që deri në fund të ditës gjithçka të kalojë e qetë.
Top Channel
