Është akuzuar për ngacmim seksual nga shkrimtarja Graham Hunter, më pas nga komediografja Riss Gatsiounis dhe një javë nga publikimi i akuzave, faqja e internetit “Slate” ka publikuar një denoncim të tretë ndaj aktorit Dustin Hoffman.
Por këtë herë emri i viktimës ka peshë të konsiderueshme në botën e kinemasë. Ai është i aktores tre herë fituese të çmimit Oscar, Maryl Strip, e cila në një intervistë të dhënë në vitin 1979 për “Times” kishte kujtuar takimin e parë mes tyre.
“Erdhi u prezantua. Jam Dustin Hoffman, tha dhe më pas vendosi dorën mbi gjoksin tim. Çfarë derri i neveritshëm, mendova”, thuhet në artikullin e thuajse 40 viteve më parë.
Pikërisht në vitin 1979, dy aktorët ndodheshin në sheshin e xhirimit për filmin “Kramer kundër Kramer”, ku ndërtuan një raport të dominuar nga përplasje të vazhdueshme.
Në njërin rast, Streep kërkoi modifikimin e një skene në mënyrë që vëmendja të binte tek problemet e brendshme të personazhit të saj dhe në atë moment Hoffman protestoi: “Përse nuk nxjerr në pah anën tënde femërore dhe xhiron skenën”, i tha aktori.
Episodi aspak i këndshëm tregohet edhe në biografinë “Her Again: Becoming Meryl Streep”. Gjithashtu, gjatë xhirimeve të filmit Hoffman përplasi pas muri një gotë me verë pavarësisht se ky veprim nuk parashikohej në skenar dhe kolegia e tij u ankua shumë.
Top Channel
