LSI me qeverinë për minatorët
02/11/2017 15:41
Në prag të protestës së 26 nëntorit, Berisha: Nesër do të kryejmë nderime në vendin ku u vra Martin Cani 24/11 20:58
Ka një çështje që Lëvizja Socialiste për Integrim nuk e sheh veten në opozitë me qeverinë e Kryeministrit Rama.
“Po u themi që ne nuk jemi në opozitë me qeverinë shqiptare për Statusin e Minatorit. Në momentin që qeveria do ta sjellë këtë status në Kuvend votat e Lëvizjes Socialiste për Integrim janë të gjitha, 19 vota, pro Statusit të Minatorit”, deklaron Monika Kryemadhi.
Kryetarja e LSI-së e bëri deklaratën në një bashkëbisedim me minatorët në Bulqizë për statusin e të cilëve Përparim Spahiu i LSI-së ka paraqitur një projektligj të veçantë që ende është në diskutim.
Sipas LSI-së, fatura financiare është e përballueshme.
“Vetëm për këtë vit janë fituar rreth 40 milionë euro dhe fatura e Statusit të Minatorit që kemi paraqitur ne në Parlament nuk është më shumë se 10 milionë euro në vit”, thotë LSI.
Monika Kryemadhi tha se nëse ekziston vullneti i qeverisë, ekziston mundësia që kjo faturë të përfshihet në buxhetin e vitit të ardhshëm.
Top Channel
