Protestë për mbetjet në Leshnicë
18/10/2017 19:45
Aksident i rëndë në autostradën Durrës-Tiranë, makina me tre të rinj përfundon në kanal 24/11 22:37
Ndërtimi i pikës së mbetjeve urbane të Pogradecit në fshatin Leshnicë kundërshtohet nga banorët.
Sipas tyre, vendi ku do të depozitohen mbetjet ndodhet jo më larg se 100 metra nga banesat e fshatit. Pranë saj ndodhen edhe tokat bujqësore, ku ata kultivojnë produkte të ndryshme.
Disa prej banorëve janë përpjekur që të ndalojnë fillimin e punimeve dhe 7 persona u shoqëruan në Komisariatin e Pogradecit për t’u liruar brenda pak orësh.
“Ne nuk jemi vandalë, por të drejtën tonë do e kërkojmë deri në fund. Kemi dërguar peticione deri te kryeministri. Neve na rrezikohet jeta dhe protestat nuk do të ndalen kurrë”, thonë banorët.
Pika e grumbulliimit pritet të vendoset në një sipërfaqe prej të paktën 2000 m2 në fshatin Leshnicë të Pogradecit, ku jetojnë rreth 600 familje.
Top Channel
