Burrel, të shtëna në qendër të qytetit; plagoset 32-vjeçari
06/09/2017 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Të shtëna armësh zjarri janë verifikuar mbrëmjen e kësaj të mërkure në qytetin e Burrelit.
Ngjarja ka ndodhur rreth orës 21:00, kur në komisariatin e policisë kanë mbërritur informacionet e para.
Me të mbërritur në vendin e ngjarjes, uniformat blu kanë mbledhur dëshmitë e para dhe kanë konstatuar se të shtënat kanë ardhur si pasojë e një sherri për motive të dobëta mes dy të rinjve.
Sipas burimeve, për shkak të konfliktit ka mbetur i plagosur shtetasi me inicialet A.D, 32 vjeç, i cili tashmë ndodhet i shtruar në spitalin e Burrelit jashtë rrezikut për jetën.
Ndërkohë, personi që ka qëlluar është larguar menjëherë pas aktit, por është identifikuar nga policia dhe është shpallur person në kërkim.
Në vendin e ngjarjes, agjentët kanë sekuestruar dy gëzhoja plumbash, ndërsa në qytet janë ngritur postoblloqe të shumta për kapjen e autorit.
Top Channel
