Kuvendi miraton në parim Buxhetin 2027, 80 vota pro dhe 25 kundër pas debateve të forta mes mazhorancës dhe opozitës Në kuadër të bashkëqeverisjes me qytetarët, kryeministri Edi Rama ka publikuar pasditen e sotme në Facebook raportin për dëgjesat e zhvilluara në qarkun Lezhë.
Siç rezulton në statusin e kryeministrit, problemet më të ngritura nga lezhianët gjatë takimeve kanë qenë:
Mungesa e ujit të pijshëm;
nevoja për investime në sistemin e vaditjes;
nevoja për investime në rrugët dytësore/rurale;
problemet me pronësinë e tokës dhe mbivendosjen e pronës;
politizimi dhe keqadministrimi i institucioneve publike;
papunësia.
Sikurse në rastet e tjera edhe këtë herë, nga profili i tij kryeministri Rama ka ftuar qytetarët nga qarku i Lezhës që të bëjnë sugjerime apo ankesa që sipas tyre mund të mungojnë në këtë raport.
Raportimet e reja për këtë zonë, ku PS mori rreth 30 mijë e 500 vota në 2017, do të shqyrtohen nga struktura e posaçme që do të ngrihet me krijimin e qeverisë së re në shtator, kur nis mandati i dytë i kabinetit Rama.
Top Channel