Vdes në sheshxhirim dublanti
14/07/2017 00:00
Një dublant i aktorëve në serialin “The Walking Dead” ka gjetur vdekjen gjatë xhirimeve të fundit në Atlanta.
33-vjeçari John Bernecker u rrëzua aksidentalisht nga një ballkon me lartësi rreth 8 metra dhe ra me kokë në dysheme.
Ai u transportua menjëherë në spital, por 24 orë më vonë u deklarua i vdekur nga mjekët dhe familjarët.
Autorët e serialit të famshëm horror dhe fiction thanë se në skenën që po xhirohej, 33-vjeçari duhej të rrëzohej nga ballkoni, por mbi një dyshek të vendosur poshtë për sigurinë e jetës së tij.
Por, 33-vjeçari është rrëzuar para kohe nga lartësia dhe për fatin e tij të keq, pak centimetra nga dysheku i vendosur për të zbutur rënien.
Xhirimet e serialit janë ndërprerë për momentin.
Top Channel