“Dialog me Serbinë vetëm me njohjen e Kosovës”
12/06/2017 00:00
Dështon përpjekja e 18-të për konstituimin e Kuvendit të Kosovës 19/05 11:18
Një tjetër sfidë për qeverinë e re që do të dalë nga zgjedhjet e parakohshme në Kosovës është edhe dialogu me Serbinë. Cili është plani i Haradinajt nëse do të arrijë të sigurojë shumicën e nevojshme për të formuar kabinetin e tij?
Kandidati për Kryeministër i koalicionit të “krahut të luftës” tha në Top Story se bisedimet me Serbinë do të bëhen me një kusht të vetëm; njohjen e pavarësisë nga ana e Beogradit.
Ai thotë se deri më tani korniza e këtyre bisedimeve ka qenë e gabuar dhe është folur për çështje të brendshme të Kosovës, që kanë vënë në pikëpyetje ekzistencën e shtetit.
“Dialogu me Serbinë është vendosur në korniza të gabuar, pasi diskutohet për çështje të brendshme të Kosovës. Jam i interesuar për dialog me Serbinë, por për njohje reciproke. Ne nuk pranojmë të bisdojmë për tema të brendshme të Kosovës. Nëse Serbia nuk rishqyrton vendimin e vet për njohjen, ne nuk vrapojmë pas një dialogu që flet për tema të brendshme të Kosovës. Ne jemi vend i pavarur, kemi Kushtetutë dhe nuk kemi të drejtë që të vendosim në pikëpyetje ekzistencën e vendit. Dialog për njohjen reciproke, marrëdhëniet dypalëshe, por jo për çështje të brendshme të Kosovës”, u shpreh Haradinaj.
Top Channel
