Meta në Vlorë: Më 25 qershor, shans rinisë dhe fund qeverisë
06/06/2017 00:00
“Kaq ishte e gjitha, Ervin”, PS rikthen ligjshmërinë te komisioni i TIMS, Gogu: Vullnet për të hetuar, kursejmë retorikën politike 19/04 11:08
LSI është ndalur këtë të martë në Vlorë, ku ka prezantuar kandidatët për deputetë për këtë qark.
I pranishëm në këtë takim, presidenti i zgjedhur Ilir Meta kërkoi votën për LSI-në, në mënyrë që t’i jepet fund, sipas tij, arrogancës së qeverisë kundër qytetarëve.
“Të gjitha rrugët të çojnë te LSI-ja. Te forca e stabilitetit, e qëndrueshmërisë, e integritetit, karakterit dhe këto janë vlerat që nuk i ka vetëm LSI-ja, por që i ka edhe populli i Vlorës, ndaj edhe në Vlorë, LSI do të jetë forcë e parë”, tha Meta.
Ai theksoi se, kjo nuk është një betejë e LSI-së, por një betejë e rinisë së Shqipërisë për t’i dhënë një shans gjithë të rinjve dhe të rejave.
Dhe njëkohësisht “për t’i dhënë fund qeverisë, e cila i shikon qytetarët me arrogancë. Ne duhet ta shohim njëri-tjetrin në sy në mënyrë që t’i kuptojmë sa më mirë hallet dhe problemet e tuaja”, deklaroi Meta.
Top Channel
