Largimet nga partitë në prag të zgjedhjeve, kanë përfshirë forca të ndryshme politike që nga ato të vjetrat e deri tek ato të krijuara së fundmi.
Nga partia më e madhe e opozitës, Partia Demokratike, ditët e fundit, është larguar Simon Puta. Doktori i njohur në qytetin e Pukës, krahas largimit nga Partia Demokratike, parti e së cilës ka qenë edhe deputet, në vitet ‘90 do të angazhohet me Partine Socialiste dhe fushatën e saj për qytetin e Pukës.
Ishte Lindita Nikolla ajo që publikoi lajmin në rrjetet sociale, ku nëpërmjet fotove nga aktivitetet elektorale ka publikuar edhe atë të Simon Putës, i cili siç thotë Nikolla, bën thirrje për të votuar Partinë Socialiste.
Edhe nga partia e Ben Blushit, një nga të rinjtë, që garoi për kreun e LIBRA-s është larguar. Neritan Seferkolli, 27-vjeçar i shkolluar në “Shkencat Politike”, u largua nga LIBRA për shkak se siç ka shpjeguar në faqen e tij në rrjetet sociale, gara në të cilën ai hyri dhe humbi, u cenua nga moszbatimi i statutit.
Top Channel
