Plagosje me armë zjarri në Shijak, dy të arrestuar
11/04/2017 16:35
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Foto Arkiv
Policia e Shijakut ka arrestuar paraditen e sotme një 30-vjeçar i cili ka plagosur në këmbë për motive të dobëta një 25-vjeçar.
Ismail Nuredini, banues në Shijak, rreth orës 08:30, në hyrje të qytetit të Shijakut ka plagosur në këmbë me pistoletë shtetasin me iniciale B.K. 25 vjeç. I dëmtuari ndodhet në spitalin e Durrësit, jashtë rrezikut për jetën.
Nuredini është arrestuar së bashku me 21-vjeçarin Ermir Dedja, i cili konsiderohet si përkrahës i autorit të plagosjes.
Ismail Nuredini është person me precedentë penalë të mëparshëm në fushën e veprave penale kundër jetës dhe pronës, i arrestuar në vitin 2009 për tentativë vrasjeje dhe në vitin 2016 për shkatërrim prone me zjarr.
Top Channel
