Shkodër, parandalohet ekzekutimi; kapet një nga autorët
30/03/2017 00:00
Kandidatët për drejtues të prokurorive të Durrësit dhe Shkodrës, KLP nis procedurat për verifikimin e pasurisë së tyre 25/04 14:06
Uniformat blu të Shkodrës kanë parandaluar këtë të enjte një ngjarje kriminale, duke vënë në pranga një prej personave që do ta kryenin atë.
Bëhet fjalë për një përpjekje për vrasje, që është parandaluar në kohë, pas informacioneve të mbledhura në rrugë operative.
Kështu, në pranga ka përfunduar shtetasi Besmir Arrsi, 21 vjeç, ndërsa është shpallur në kërkim 30-vjeçari me inicialet F.G, i cili kishte planifikuar edhe vrasjen.
Shënjestër e atentatit do të ishte një djalë 21-vjeçar, N.P, edhe ky banues në Shkodër.
Gjatë aksionit blic, policia ka gjetur dhe sekuestruar në cilësinë e provës materiale një armë zjarri tip Kallashnikov, 1 krehër dhe 15 fishekë.
Sikurse njoftojnë autoritetet lokale, plani për ekzekutimin e 21-vjeçarit, nga hetimet paraprake dyshohet të ketë ardhur për motive të dobëta.
Materialet hetimore i kanë kaluar tashmë prokurorisë së rrethit, e cila ka ngritur akuzat e “vrasjes së mbetur në tentativë” dhe armëmbajtje pa leje.
Top Channel
