Gjëegjëza e barcaleta në Kuvend

“Para një muaji ju kam treguar një gjëegjëzë dhe ju s’e keni gjetur akoma përgjigjjen. Ju lashë një muaj kohë ta gjenit. Gjëegjëza ishte kështu: unë kam një mace, ja jap Erjon Braçes, macja kafshon Taulant Ballën, kush e ka fajin? Macja që ju thashë unë Erjon, ja ku është (bën me gisht nga Kryeministri Rama). Ua dhashë juve në vitin ’98 a ’97 dhe ajo ju ka kafshuar të gjithëve ju. Kjo është arsyeja që unë ika, se nuk pranoj kafshimin e maces”, deklaroi Blushi.

Një tjetër përgjigje kishte Erjon Braçe lidhur me fajësinë duke thumbuar Blushin.

“Pyetja ishte kush e ka fajin, përgjigjja është Baftjari, por Baftjari që ka shumë lekë”, tha Braçe.

Me të njëtën gjuhë dhe me të njëjtin personazh, macen i është përgjigjur edhe Taulant Balla.

“Një mi, po vinte vërdallë dhe ra në një kade me verë. Vjen macja dhe miu i thotë; aman më shpëto. Patjetër, i thotë macja, por ama me një kusht; kur të të nxjerr nga kadja do të të ha. Më shpëto nga këtu, i tha miu, pastaj bëj ça të duash mbrapa. E nxjerr macja nga kadja, sa iku hyri në një vrimë. Macja i thotë, po ti, s’e mbajte fjalën? Epo isha tapë, i tha miu”, deklaroi Balla.

Top Channel