Greqi, arrestohet 81-vjeçari shqiptar që abuzoi me të miturin
15/03/2017 00:00
Artizanët në Elbasan/ Tradita që trashëgohet ndër breza, nismë për të promovuar të rinjtë
13/04 20:27
Organet greke të Rendit kanë arrestuar në Sajadha të Thesprotisë një shtetas shqiptar 81 vjeç, ndaj të cilit ishte dhënë urdhërarresti me akuzën për përdhunim, abuzim seksual dhe joshje të fëmijëve.
Arrestimi është kryer ditën e martë në mbrëmje në pikën e kalimit kufitar të Qafë Botës, nga policët e Departamentit të Policisë së Sajadhës.
81-vjeçarit i është kontrolluar pasaporta në pikën e daljes së kësaj dogane dhe është konstatuar se në vitin 2011 është lëshuar ndaj tij një urdhërarresti për veprat penale të mësipërme nga Prokuroria e Korfuzit, pas padisë që kishin bërë atje prindërit e një fëmije të mitur.
I arrestuari u dërgua te prokurori publik i Thesprotisë, ndërsa hetimet po i zhvillon Departamenti policor i Sajadhës, që nuk ka publikuar ende të dhënat e 81-vjeçarit shqiptar, për shkak të hetimeve dhe për të mos u bërë publik identiteti i fëmijës ndaj të cilit është abuzuar.
Top Channel
