U dëmtuan nga HEC, pas tre vitësh: Na harruan
11/03/2017 00:00
Rossmann & Lala po vijon uljen e çmimeve drejt kategorive të tjera! 13/05 16:24
30 shtëpi në fshatin Togëz te Librazhdit, pësuan dëmtime të konsiderueshme gjatë ndërtimit të hidrocentralit të Rrapunit.
Tunelet ku kalojnë tubacionet janë fare pranë banesave dhe gjatë shpërthimeve për ndërtimin e tyre shtëpitë pësuan çarje, disa prej të tyre janë bërë të pabanueshme.
Edhe pse u bënë verifikimet e dëmevë dhe banorëve ju premtua dëmshpërblim, tashmë pas 3 vitesh akush nuk kujtohet për këtë gjë.
Ndërtimi i hidrocentralit mbi përroin e Rrapunit ka shkaktuar dëme të konsiderueshme mjedisore. Rrjedha e këtij përroi nuk përballon nevojat e hidrocentralit ç’ka bën që kompania herë herë të bllokojë krejt rrjedhën e tij duke shkaktuar ngordhjen e gjallesave dhe dëmtimin e bujqësisë pasi disa fshatra vadisin tokat nga uji i këtij përroi.
Top Channel
