Gjykata e Tiranës vendosi shtrimin e Vladimir Gjutës në një institucion mjekësor psikiatrik për kurim të detyrueshëm.
Ky vendim u mor në bazë të rezultateve të ekspertizës mjekoligjore, e cila ka përcaktuar se Gjuta vuan nga çrregullime serioze që kategorizohen deri në papërgjegjshmëri të veprimeve.
Për këtë arsye, ai nuk u gjykua për veprat penale të largimit të të burgosurit nga vendi i qëndrimit dhe dhunës në familje për të cilat u ndalua nga policia.
Edhe pse ekspertët mjekoligjorë kishin kërkuar mjekim ambulant për Gjutën, gjykata e tejkaloi këtë kërkesë duke vendosur mjekim të detyrueshëm në një institucion mjekësor.
Vladimir Gjuta, ka qenë i dyshuar edhe për vendosjen e tritolit në farmacinë e babait të ministrit të Brendshëm dhe për këtë arsye ka qëndruar për gati një vit në paraburgim.
Top Channel