Vdekja e gruas shtatëzënë, nën hetim 3 mjekët e “Koço Gliozheni”
17/09/2016 00:00
Ndaj tre mjekëve dhe një infermiereje ne maternitetin “Koço Gliozheni” në Tiranë, policia hapi çështjen penale të “mjekimit të pakujdesshëm”.
Ata po ndiqen në gjendje të lirë, ndërsa pritet akt-ekspertiza e mjekësisë ligjore për të përcaktuar shkaqet që i morën jetën 35-vjeçares Aida Çajku, e cila ishte në muajin e nëntë të shtatëzanisë.
Ajo pati komplikacione që çuan në humbjen e jetës së saj dhe të fëmijës që do të lindte shumë shpejt.
Mësohet se padia ndaj stafit mjekësor është bërë nga shtetasi Fatjon Omuri, vëllai i së ndjerës.
Ndërsa mjekët që po hetohen janë Elidon Klosi, Dritan Deçka dhe Nazmie Ceni, si dhe një infermiere.
Top Channel