Përcillen në banesën e fundit të rinjtë nga Kosova
26/07/2016 00:00
Video/ “Me ke thënë do të të bëj masazh”, momenti kur studentja në lot i drejtohet profesorit të Universitetit të Prishtinës: Na ke shkaktuar trauma 23/04 10:44
Me qindra vetë, ndër të cilët dhe zyrtarë shtetërorë, morën pjesë në varrimin e 21-vjeçarit kosovar, Dijamant Zabergja, një prej 9 viktimave të çmendurisë së 18-vjeçarit iraniano-gjerman, që sulmoi më 22 korrik qendrën tregtare “Olympia” të Mynihut.
I ati i Dijamantit falënderoi popullin gjerman për mbështetjen e treguar.
“Dua të falënderoj gjermanët për solidaritetin e treguar me dhimbjen time. Në zonën ku banoj, të gjithë fqinjët, por edhe njerëz të tjerë u ofruan të ndihmonin, e i kanë bërë homazhe tim biri”, tha Naim Zabergja, babai i Dijamant Zabergjas.
Naimi, pas kësaj shkoi në funeralin e njërës prej dy vajzave shqiptare, që humbën jetën në tragjedinë e Mynihut, Armela Segashi. Trupi i saj u vendos të prehej në Podujevë.
Të dy adoleshentët ishin shënjestra të rastësishme të Ali Sonboly, i cili nuk kishte lidhje me ISIS-in, por ishte i fiksuar pas vrasjeve në masë.
Policia nuk ka gjetur asnjë lidhje mes 18-vjeçarit dhe viktimave të tij, që ishin kryesisht të rinj, më të vegjlit 14 vjeç. Numri i të plagosurve nga ngjarja ishte 35, përfshirë edhe persona të cilët janë lënduar jo nga agresori, por nga paniku që shkaktoi veprimi i tij.
Top Channel
