PDIU voton për kryetarin dhe drejtuesit nëpër bashki
20/05/2016 00:00
“Shoqen tonë e bëmë ministre dhe nuk erdhi as në mbledhje, do ta bëj të skuqet”, kush është ish-ministrja që nuk iu përgjigj Metës në telefon 19/04 23:04
24 mijë anëtarë të PDIU-së do të votojnë të shtunën për të zgjedhur kryetarin e ri të partisë dhe të gjithë drejtuesit në çdo bashki.
Votimi nis në orën 8:00 dhe mbyllet në orën 18:00. Po ashtu do të zgjidhen edhe delegatët e kongresit që do të mbahet më datë 4 qershor.
Në garë për postin e kryetarit janë drejtuesi aktual Shpëtim Idrizi dhe Halil Hyseni, aktualisht me detyrë zëvendësministër i Jashtëm.
Dy kandidatët shpallën platformat në formën e një debati, që Shpëtim Idrizi e cilësoi si një model për partitë politike shqiptare, që garën ndonjëherë përpiqen ta shmangin.
Të dy kandidatët u shprehën se zgjidhja e çështjes çame mbetet detyra parësore e kësaj partie dhe si rezultat edhe i angazhimit të saj, zgjidhja është e afert. PDIU së fundimi është bërë pjesë e koalicionit qeverisës.
Top Channel
