Një histori e shkurtër e aksidenteve ajrore

Avioni ra pranë  Aeroportit të Rinasit duke shënuar një nga aksidentet ajrore ushtarake në vend që shkaktoi gjithashtu  edhe diskutime për kontrollin teknik të tyre dhe solli uljen e tyre në tokë në mënyrë përfundimtare. 

Hetimet e mëpasshme konfirmuan se aksidenti ajror që i mori jetën Majorit Tarifa ndodhi për shkak të një defekti të beftë teknik në motorin e Mig-19.

Shtatë muaj pas kësaj ngjarjeje, një tjetër aksident ajror ndodhi në malet e Gramshit.  31 mars 2005, duke gdhirë 1 prilli,  avioni ushtarak Hercules-130 u ngrit në fluturim stërvitor nga Rinasi.

Kushtet e vështira të motit, por edhe fakti se avioni fluturonte afër tokës u thanë se ishin shkaqet që përplasën avionin ushtarak në malet e Gramshit. Në bordin e tij ndodheshin 9 ushtarakë amerikanë.

Aksidenti më i rëndë i forcave ajrore ushtarake është regjistruar në 1989, kur dy helikopterë të dërguar për mision shpëtimi në Himarë u përplasën për shkak të kushteve të këqia duke shkaktuar një bilanc tragjik me 21 të vdekur mes tyre pilotë, studentë e mjekë.

Nga Rinasi janë ngritur gjatë këtyre viteve edhe dy mjete fluturuese me pasoja tragjike. Ai i vitit 1999, kur një ‘charter’ i Kombeve të Bashkuara u rrëzua më pas ne Malet e Sharrit në Prizren, si dhe helikopteri i Gramoz  Pashkos, i rrëzuar në Adriatik së bashku me mjekët dhe 3 pilotët.

Top Channel