Sulmet në Bruksel, shkon në 35 bilanci i viktimave
28/03/2016 12:35
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Vazhdon të mbetet e tensionuar situata në Belgjikë, ndërkohë që numrit të viktimave të atentateve të së martës së kaluar i janë shtuar 4 të tjerë, duke e çuar në 35.
Deri më tani janë identifikuar 28 trupa, ndërkohë që prokuroria belge vetëm në orët e fundit ka mundur të konfirmojë arrestimin e tre terroristëve të tjerë.
Bëhet fjalë për Yassine A., Mohamed B. dhe Aboubaker O., të ndaluar të enjten e kaluar në Bruksel dhe Anversë.
Autoritetet belge kanë bërë gjithashtu me dije se do të kërkojnë ekstradimin e një shtetasi algjerian të arrestuar në Salerno të Italisë lidhur me sulmet, i cili ndodhet në qeli izolimi dhe refuzon t’u përgjigjet hetuesve.
Ndërkohë, mbrëmjen e djeshme në kryeqytetin belg u verifikuan një seri konfrontimesh mes huliganëve të ekstremit të djathtë dhe forcave të rendit, që pasuan me rreth 10 persona të arrestuar.
Ndërsa në Rotërdam të Holandës u arrestuar një i dyshuar për terrorizëm, që po përgatiste një atentat e që dyshohet se ka shtetësi franceze ose holandeze.
Top Channel
