Kurbin, dëmton godinën me eksploziv; arrestohet 24-vjeçari
24/03/2016 12:20
Debate në KLP, Tiranës dhe Elbasanit i mungojnë 51 prokurorë
18/07 21:17
Përdori eksploziv për të dëmtuar një godinë private dhe për këtë arsye, një i ri 24-vjeçar ka rënë në prangat e agjentëve të komisariatit të Kurbinit.
Burime policore lokale bëjnë me dije se shpërthimi ka ndodhur mbrëmjen e së mërkurës në fshatin Gallatë, në një objekt që përdoret për kontrollin dhe transmetimin e linjës elektrike nga HEC-i i Vinjollit, pronë e shtetasit me iniciale F.L.
Pas mbikëqyrjes së vendit të ngjarjes, agjentët konstatuan se shpërthimi kishte shkaktuar një sërë dëmesh në ndërtesë, kryesisht një mur prej betoni, xhamat e dritareve dhe pjesë të një transformatori elektrik.
Më pas, përmes informacioneve të mbledhura në rrugë operative, agjentët arritën në identifikimin dhe më pas arrestimin e autorit, shtetasit Hysen Balloku, nga fshati Vinjoll.
Top Channel
