Të ardhurat në buxhet pritet të marrin goditje edhe këtë vit nga ulja e çmimit të naftës në tregjet ndërkombëtare. Nga Korça ministri iFinancave Shkëlqim Cani tha se nuk pritej që rënia e çmimit të arit të zi të vazhdonte edhe këtë vit.
“Përsëri edhe ky vit hyn me një goditje tjetër që morrëm nga çmimi i naftës. Përsëri nuk e kishim parashikuar se çmimi i naftës do të ulej në këto përmasa që është ulur tani. Përsëri ajo jep goditje në të ardhura”, tha Cani.
Por sipas Canit mungesa e të ardhurave nga rënia e çmimit të naftës do të kompensohet nga aksioni kundër informalitetit.
Megjithatë ne mendojmë që sivjet edhe pse kemi këtë goditje si rezultante e një sërë masash të tjerë, që nee quajmë aksioni kundër informalitetit do të japë efektet e veta përgajtë vitit 2016 edhe më të mëdha se sa kanë qënë në vitin 2015”, vijoi Cani.
Të ardhurat nga importet e naftës zënë një pjesë të rëndësishme në buxhet, dhe rënia e çmimit ndikon drëjtpërdrejt në nivelin e mbledhjes së TVSH. Ndërkohë pak ditë më parë ishte Banka Botërore e cila uli parashikimet për çmimin e naftës në bursa nga 51 në 37 dollarë për fuçi.
Top Channel