Punësimi zyrtar, 530 infermierë drejt Gjermanisë
04/12/2015 00:00
“Male spektakolare dhe lugina të egra”, Le Figaro artikull për vendin tonë: Shqipëria, një arratisje e egër 25/04 14:49
Janë rreth 530 infermierë nga Shqipëria, që deri në fund të këtij viti do të punësohen në profesionin e tyre në Gjermani me një kontratë dyvjeçare.
Përfaqësuesi i Dekra-Akademi, Musa Ahmeti tha se kanë aplikuar mbi 4500 persona, ku pjesa më e madhe janë femra.
“Ne kërkojmë infermiere të përgatitura, për të cilat garantojmë vendin e punës në Gjermani për dy vjet, një pagë minimale prej 1500 eurosh dhe rritje e koeficientit të rrogës sipas standardeve dhe certifikatave të infermierëve. Deri në fund të vitit do të shkojnë 531 infermierë nga Shqipëria që e kanë të garantuar vendin e punës të barabartë me infermierët e tjerë që jetojnë në Gjermani”, thotë Ahmeti.
Përfaqësuesi i kompanisë gjermane tha se marrëveshja e tyre për të punësuar infermierë është bërë vetëm me këtë kompani, ndaj aplikuesit duhet të kenë kujdes që të mos bien pre e abuzimeve.
“Ky program është pa pagesë dhe u mundëson punësimin infermierëve shqiptarë në Gjermani. Grupi Dekra Kompani ka bashkëpunim me Interpersonal Albania, i cili është i vetmi i licencuar në Shqipëri”, thotë ai.
Në total numri i aplikimeve për të punuar në Gjermani, pranë shoqërisë “Interpersonal” llogaritet në 4,560.
Top Channel
