Panariti: Prodhimi bujqësor u rrit
06/10/2015 18:35
Dita e Dëshmorëve/ Banorët e Bulqizës mblidhen pranë lapidarit të qytetit 05/05 13:17
Një ditë pas publikimit të shifrave të INSTAT, sipas të cilave sektori bujqësor ka kontribuar negativisht në rritjen ekonomike, ministri i Bujqësisë, Edmond Panariti sqaroi se të dhënat e INSTAT, janë vlerësime të pritshmërisë së prodhimit bujqësor për tremujorin e dytë të vitit.
Këto të dhëna, theksoi ai, u ndikuan nga pasojat negative që krijuan përmbytjet e fillimvitit mbi sipërfaqet e mbjella dhe prodhimin. Por në ndryshim nga pritshmëritë, ministri thotë se fermerët arritën të rikapin sezonin e mbjelljeve dhe prodhimi bujqësor në fund të gjashtëmujorit rezultoi me një rritje të madhe në krahasim me një vit më parë.
Panariti thotë se ky 6-mujor regjistroi një rritje të prodhimit bujqësor me 4.4 miliardë lekë nga 2.9 miliardë që ishte një vit më parë.
Top Channel
