Mustafa: Brenda muajit, Kosova me kod telefonik

13/08/2015 00:00

Kryeministri i Kosovës, Isa Mustafa, në një konferencë për shtyp ka paralajmëruar se deri në fund të këtij muaji vendi do të ketë kodin telefonik shtetëror.

“Mendojmë se tregu i telekomunikimeve ka filluar të liberalizohet në Kosovë dhe me këtë po krijohen kushte mjaft të mira. Ndërkaq, po presim që në fund të këtij muaji të nënshkruajmë marrëveshjen që mundëson kodin e posaçëm telefonik për Kosovën dhe që ne të kemi pavarësi të plotë në këtë fushë”, ka deklaruar Mustafa.

Kryeministri Mustafa, duke prezantuar arritjet e qeverisë në fushën e ekonomisë foli për sektorin e energjisë, duke thënë se qeveria është angazhuar në ndërtimin e termocentralit “Kosova e Re”. Ai shtoi se marrëveshja për energjinë mes Kosovës dhe Serbisë pritet të arrihet në fund të këtij muaji.

“Në sektorin e energjisë ne do të vazhdojmë të punojmë në ndërtimin e termocentralit “Kosova e Re”, me kapacitet prej 600 mega vat. Pritet që së shpejti të finalizohet procesi negociues dhe të vendoset lidhur me procesin e mëtejshëm me firmën “Contor Globa”, e cila është firma e vetme që ka mbetur në konkurrencë dhe me të cilën tashmë jemi duke zhvilluar negociata. Jemi të interesuar po ashtu të punojmë në riaktivizimin e “Kosova B”, duke implementuar masat e karakterit ambiental, masat teknike dhe po ashtu do të gjejmë modalitete të financimit. Në këtë drejtim kemi mbështetjen e institucioneve financiare dhe fondacioneve të ndryshme”, theksoi Mustafa.

Sipas shefit të qeverisë, së shpejti do të zhvillohet procesi i tenderimit për kompaninë e vetme që ka mbetur në garë. Ndërsa në plan është edhe riaktivizimi i termocentralit “Kosova A”.

Mustafa bëri të ditur se po punohet në krijimin e një tregu të përbashkët energjitik me Shqipërinë, e që sipas tij pritet që në vitin 2016 të ketë një linjë të përbashkët.

Sa i përket sektorit të minierave, Mustafa tha se në fokus të veçantë do të jetë miniera e Trepçës, për të cilën po punohet në dy projekte. Ai nënvizoi se deri në mes të shtatorit do të klompletohen bordet e ndërmarrjeve publike.

Ndërsa i pyetur se si do të jetë marrëveshja për Asociacionin e Komunave Serbe, ai tha se do të sigurohemi që kjo bashkësi të mos ketë kompetenca ekzekutive.

Top Channel

Rusia dëboi nga vendi 20 diplomatë cekë të cilët janë urdhëruar të largohen, si masë shpaguese ndaj largimit që republika ceke i bëri të shtunën 18 diplomatëve rusë. Vendimi i Pragës erdhi pas një hetimi që tregoi pas shpërthimit të një depoje municionesh në Ceki, qëndronte Moska. Kjo e fundit i dha diplomatëve çekë një ditë kohë për t’u larguar, ndërsa Praga u dha rusëve 48 orë. Ministria e Jashtme ruse e cilësoi vendimin e çekëve si “të pashembullt” dhe si “akt armiqësor”. “Me dëshirën për të kënaqur Shtetet e Bashkuara, pas sanksioneve të fundit të SHBA-së kundër Rusisë, autoritetet çeke madje i tejkaluan udhëzuesit e tyre”, thuhej në një deklaratë të saj, ku cilësoheshn si të pabaza dhe absurde pretendimet e çekëve se diplomatët rusë janë operativë të inteligjencës. Shtetet e Bashkuara thanë se qëndrojnë krah Republikës Çeke lidhur me vendimin për të dëbuar diplomatët rusë. “SHBA qëndron me Republikën Çeke në përgjigjen e saj të vendosur kundër veprimeve keqdashëse të Rusisë në tokën e çeke”, shkruante zëdhënësi i Departamentit të Shtetit Ned Price në Twitter. “Ne duhet të veprojmë në mënyrë të vendosur në përgjigje të veprimeve ruse që vënë në rrezik integritetin territorial, sigurinë energjitike ose infrastrukturën kritike të aleatëve dhe partnerëve tanë”, shtoi ai. Cekia sqaroi se ka informuar aleatët e NATO-s dhe Bashkimit Evropian në lidhje me përfshirjen e dyshuar ruse në një shpërthim depoje municionesh në vitin 2014 dhe çështja do të trajtohet në një takim të ministrave të jashtëm të BE-së.
Top Channel/ SHBA kërcënon Rusinë, “ Po vdiq Navalny, do të ketë pasoja”
Top News – Rrëfimi i një patronazhisti/ Si mblidhen të dhënat sekrete për PS
Top News – Belinda Balluku në garën e Kombinatit/ Fushata e ministres që kërkon mandatin si deputete
Top News – Kandidati demokrat në Korçë/ Fushata e Salianjit derë më derë te qytetarët
Top News – Votimi i emigrantëve/ Dështim i politikës edhe në këto zgjedhje