Bllokimi i Kryeprokurorit, Lumezi akuzon Gjykatën Kushtetuese

27/02/2015 00:00

I nominuari për Kryeprokuror të Shtetit në Kosovë, Aleksandër Lumezi e vlerëson si të padrejtë ndërhyrjen e Gjykatës Kushtetuese në procesin e emërimit të tij.

Lumezi thyen heshtjen në një intervistë eksklusive për Top Channel, gjatë së cilës thotë se beson shumë tek vendimmarrja e drejtë e presidentes Atifete Jahjaga për dekretimin, si tregues për mirëfunksionimin e sistemit prokurorial.

“Unë mendoj se ajo nuk ka të drejtë dhe nuk ka kompetenca të përzihet në kompetencat e Këshillit Prokurorial të Kosovës, i cili edhe me Kushtetuten e Kosovës, me nenin 10 paragrafi 2, përcaktohet si institucion i pavarur dhe askush nuk guxon të përzihet. Gjykata Kushtetuese ka të drejtë të kërkojë të gjitha informacionet sa i përket procesit të parë, ndërsa sa i përket proçedurës së dytë mendoj që nëse ata kërkojnë ndonjë informacion pa pasur kërkesë nga ndonjë palë e autorizuar, atëherë i tejkalojnë kompetencat dhe autorizimet e tyre dhe ndërhyjnë drejtpërdrejtë në punën e Këshillit Prokurorial”, deklaron Lumezi.

Në proçedurën e dytë të përzgjedhjes, Lumezi kishte mbetur kandidati i vetëm në garë, pasi pesë të tjerët ishin tërhequr me arsyetimin se procesi ishte i kompromentuar.

Këshilli Prokurorial i Kosovës javën e kaluar e nominoi atë për kryeprokuror me shumicë votash, duke dorëzuar vendimin në Zyrën e presidentes Jahjaga për dekretim.

Por çështja, siç duket, do të ngecë sërish, pasi Gjykata Kushtetuese, më datë 25 shkurt të këtij viti, pas zgjedhjes së tij i është drejtuar me një kërkesë të veçantë Këshillit.

“Shpresoj se vendimmarja e presidentes do të jetë e drejtë dhe do të tregojë se vendimet e saj përbëjnë një garanci për demokracinë dhe për shtetin e së drejtës. Dhe për t’i kthyer imazhin e humbur këtij shteti, sigurisht që presidentja do të marrë vendime të drejta dhe do të ndikojë në mirëfunksionimin e sistemit prokurorial dhe në luftën efikase kundër krimit të organizuar dhe korrupsionit”, thotë Lumezi.

Dhe kur flet për krimin dhe korrupsionin, Lumezi thekson se gjatë mandatit të tij si kryeprokuror sistemi prokurorial do të ketë efikasitet më të madh.

Ndërkohë, Këshilli Prokurorial ka vendosur që t’ia dorëzojë Gjykatës Kushtetuese dëshmitë dhe provat që konsiderohen të rëndësishme për këtë institucion, për të vlerësuar procesin e nominimit të Kryeprokurorit të Shtetit.

Anëtarët e këshillit u mblodhën mesditën e së premtes për të shqyrtuar kërkesën e Kushtetueses për informatat shtesë lidhur me procesin e përzgjedhjes së kandidatit.

Gjithashtu, Këshilli Prokurorial vendosi që të informojë edhe presidenten lidhur me informatat e dërguara në Gjykatën Kushtetuese.

Top Channel

“Pandemia Covid-19 ka frenuar lejet e ndërtimit. Instituti i Statistikave raporton se në total në të gjithë vendin lejet e dhëna nga bashkitë për ndërtime të reja gjatë periudhës Korrik – Shtator arritën në 262, në rënie me 14.9% krahasuar me të njëjtën periudhë të një viti më parë.” Por, në raport me tremujorin e kaluar që përkon me periudhën Prill – Qershor, kohë kur vendi ishte në karantinë ka një rritje të ndjeshme me 53 leje më shumë të miratuara. Tirana kryeson listën me numrin më të lartë me 68 leje të dhëna sipas Instat edhe pse në krahasim me të njëjtën periudhë 2019-ës, ka thuajse një përgjysmim të tyre. Qyteti bregdetar i Durrësit nga ana tjetër ka shënuar një rekord në lejet e dhëna nga bashkia me 49 të tilla në total. Kjo rritje e fortë e lejeve të miratuara për ndërtime të reja në Durrës lidhet kryesisht edhe me procesin e rindërtimit, i cili ka nisur tashmë zbatimin në zonat e prekura nga tërmeti. Paralelisht me uljen e numrit të lejeve, rënie ka pësuar edhe sipërfaqja e dhënë për ndërtesa të reja, teksa vlera e përafërt e lejeve të miratuara në tremujorin e tretë arriti vlerën e rreth 19.5 miliardë lekëve apo 157.5 milionë euro. Pjesa më e madhe e lejeve janë dhënë për ndërtesa banimi kryesisht për banesa njëkatëshe dhe dykatëshe, si dhe për ndërtesa të tjera për qëllime tregtare apo objekte të tjera për zyra.
Një minutë heshtje në nder të Maradonës/ Nis ndeshja mes Kombëtares sonë të femrave dhe Qipros
Top News – BE do të marrë dy miliardë doza të vaksinës kundër COVID-19, një pjesë edhe për Ballkanin
Rindërtimi në Thumanë/ Ahmetaj: Janë mbi 3 mijë banorë që do të futen në shtëpitë e reja
Rindërtimi në Fushë-Krujë, Rama inspekton punimet
Top News – U dëmtua nga tërmeti/ Durrës, IKMT shembet pallatin