Dhjetë kandidatë për anëtarë të Këshillit Mbikqyrës të Bankës së Shqipërisë, janë dëgjuar nga anëtarët e Komisionit Parlamentar të Ekonomisë, në procesin e hapur nga Kuvendi për vendet vakante në të.
Vizioni i kandidatëve për rikthimin e besimit te institucioni i Bankës së Shqipërisë, veçanërisht pas skandalit të vjedhjes në të, ishte interesi i deputetëve në pyetjet ndaj kandidatëve. Kandidatët evidentuan si thelbësore transparencën e funksionimit të Bankës.
Shumica e kandidatëve për anëtarë të Këshillit Mbikqyrës të Bankës, vijnë nga rrethet akademike dhe sektori bankar. Kandidatët që do të marrin firmat e 28 deputetëve do të përzgjidhen në një proces të dytë dhe më pas do të kryejnë edhe një seancë tjetër dëgjimore në Komisionin e Ekonomisë.
Në fund, ky komision do të zgjedhë emrat përfundimtare dhe dy kandidatët që do të kenë shumicën e votave do të gëzojnë statusin e anëtarit të Këshillit Mbikqyrës.
Top Channel
