“Ruajtja e Thesarit, sipas ligjit”

Pas një mbledhje të posaçme, të zhvilluar mbi çështjen e vjedhjes së Thesarit, anëtarët e këshillit deklarojnë se shkaku i kësaj ngjarje kriminale është moszbatimit i rregullave dhe procedurave nga punonjës të veçantë të bankës.

Po kështu në deklaratën e lëshuar pas mbledhjes, anëtarët e këshillit kanë konfirmuar mbështetjen dhe kanë miratuar masat e marra nga drejtuesit administrativ të bankës për menaxhimin e situatës, duke lënë dhe disa rekomandime për forcimin e mëtejshëm të sigurisë në të gjitha hallkat e përpunimit dhe ruajtjes së parasë kesh.

Një ditë më parë, të pyetur nga Prokuroria, dy nga të arrestuarit për vjedhjen në Bankën e Shqipërisë thanë se ata nuk kanë pasur një rregullore dhe askush nuk merrte vesh për detyrat që duhej të kishte gjithsecili.

Çështja e supervjedhjes vijon të jetë nën hetim dhe Këshilli Mbikëqyrës thotë se jep mbështetjen e plotë për drejtësinë.

Top Channel