Ministri i Transporteve, Edmond Haxhinasto ka inspektuar ndërtimin e impiantit të pastrimit të ujërave të zeza në Orikum.
Bëhet fjalë për një investim që synon të rrisë cilësinë e ujërave në gjirin e Vlorës e që sipas ministrit duhet të shkojë deri në fund.
“Për ne s’është i rëndësishëm vetëm investimi, për ne është i rëndësishëm shërbimi. Investimi është i realizuar kur nis të aplikohet shërbimi, që do të thotë që ujërat e zeza të mos derdhen në det por të shkojnë aty ku duhet. Gjithashtu, edhe kostot duhet të parashikojnë një shërbim cilësor për qytetarët”, ka thënë Haxhinasto.
Top Channel
