Kontrolli i ushqimeve në verë
01/06/2014 00:00
Depresioni, alarm për gratë! Tre tentativa për t’i dhënë fund jetës ditët e fundit, mjekët: Nuk pranojnë… 05/05 12:20
Rritja e temperaturave me ardhjen e stinës së nxehtë të verës rrit rrezikun e dëmtimit të prodhimeve me origjinë shtazore, duke rrezikuar shëndetin e konsumatorëve.
Ministria e Bujqësisë ka nisur inspektimin e tregjeve të mishit nga tregu në sheshin “Avni Rustemi”, për të parë kushtet frigoriferike në të cilat mbahen këto produkte.
“Në 2 apo 3 vende ka probleme në garantimin e temperaturave të ruajtjes së mishit, të cilat duhet të luhaten nga 2 deri në 4 gradë, megjithatë u dhanë porosi që këto defekte që u konstatuan të riparohen sa më shpejtë”, tha Panariti.
Krahas pajisjes së banakëve frigoriferikë me monitoruesit e temperaturave, ministri Panariti kërkoi rritjen e standardeve të higjienës.
“Ne do të kërkojmë që edhe tregtuesit e prodhimeve me origjinë shtazore të jenë të pajisur të gjithë me përparëse edhe me doreza prej gome, pasi këto janë kërkesa elementare higjienike dhe garantojnë sigurinë e produktit”, shtoi ministri i Bujqësisë.
Ministri Panariti paralajmëroi ndëshkimin e tregtarëve që nuk zbatojnë kërkesat për standard dhe cilësi në tregje.
Top Channel
