Robert De Niro: “Babai im ishte homoseksual”
30/05/2014 00:00
Premiera e “Emily in Paris”, aktorja Lily Collins mahnit me veshjen 17/12 20:32
Një ndër aktorët më të mëdhenj të Hollivudit, Robert De Niro, ka rrëfyer në një dokumentar televiziv për rrjetin amerikan HBO se babai i tij ka qenë homoseksual.
“Ai e jetonte në mënyrë konfliktuale homoseksualitetin e tij”, ka thënë aktori në revistën “GayOut”. Babai i tij ishte piktor dhe skulptor dhe u divorcua nga e ëma e Robertos, kur ai ishte fare i vogël.
“Nuk e kam kuptuar këtë fakt më herët, por do të dëshiroja që të flisja shumë më tepër me babain për homoseksualitetin e tij. Nëna ime nuk dëshironte kurrë të fliste dhe kur ke një moshë të caktuar këto gjëra nuk të interesojnë”, thotë aktori 70-vjeçar.
“Me babain nuk isha shumë i afërt. Nuk kishim afrimitet si për shembull të luanim basketboll apo të bënim gjëra të tjera bashkë, por nuk ishte një baba i keq. Ai më adhuronte”, thotë De Niro.
Ky dokumentar është një homazh për personin që pikturat e tij aktori i mban në studio në Tribeka, por që nëpërmjet filmimit ta njohin edhe fëmijët e tij. Babai i aktorit Hollivudian ndërroi jetë në vitin 1993, në moshën 71-vjeçare.
Top Channel
