Monica Bellucci në Kanë
19/05/2014 00:00
U arrestua nga policia pasi u kap në gjendje të dehur në timon, Britney Spears shtrohet në rehabilitim 13/04 07:55
Monica Bellucci është shfaqur në tapetin e kuq për të prezantuar filmin e vetëm Italian “Le meraviglie”, që konkurron në Festivalin Kanës.
Bellucci u shfaq në Kanë së bashku me kastin e aktorëve dhe regjisoren Alice Rohrwacher. Lot dhe rreth 12 minuta duartrokitje kanë shoqëruar shfaqjen e “Le meraviglie”.
Monica Bellucci luan një pjesë të shkurtër në film dhe gjatë një intervistë ajo u shpreh se “nuk i zgjedh rolet për nga minutazhi, por nga intensiteti”.
“Ka qenë një eksperiencë shumë e bukur dhe jam e lumtur që kam bashkëpunuar dhe i kam njohur këta persona. Filmat asnjëherë nuk vijnë rastësisht, ishte pikërisht momenti në jetën time kur ky rol ishte i domosdoshëm”, u shpreh Bellucci.
Aktorja më 30 shtator mbush 50 vjeç dhe e pyetur për këtë fakt ajo thotë: “Ndjehem shumë më mirë sot se disa vite më parë. Nuk do të dëshiroja të ndryshoja asgjë. Jam e kënaqur që kam arritur deri këtu, kam shumë për të mësuar dhe 2 fëmijë për të rritur që më bëjnë të lumtur çdo ditë”.
Top Channel
