Eurostar, trenat “pengohen” nga vetëtimat

Nga vetëtima pati një rënie zjarri në një ndërtesë pranë hyrjes së tunelit Channel, duke shkaktuar një humbje të lartë të energjisë elektrike pranë Ashford-it.

Kompania Eurostar ka njoftuar përmes mesazheve në Tëitter se 3 nga shërbimet me destinacion Londrën dhe një tren me destinacion Parisin janë prekur nga kjo ngjarje e fundit. Sipas njoftimit, trenat drejt Londrës priten të rifillojnë aktivitetin brenda orës, pasi të rikthehet energjia.

Firma njoftoi fillimisht se trenat, dy prej të cilëve me itinerar Paris-Londër, njëri Bruksel-Londër dhe një tjetër Londër-Paris, ishin duke u kthyer për në pikat e tyre të nisjes.

Gjithsesi, në një njoftim të dytë, shërbimi “Eurostar” tha se trenat drejt Londrës do të vazhdonin rrugëtimin. Anulime ka pasur gjithashtu edhe në trenat e rajonit jug-lindor, nga Ashford drejt Ramsgate.

Një mesazh në faqen e internetit të firmës bënte të ditur se “e kemi të pamundur të nisim trenat nga Dover Priory dhe Ashford, pas goditjes së vetëtimës, që kanë prekur sinjalistikën e zonës”.

Ndërkohë, shërbime autobusi janë vënë në dispozicion të pasagjerëve në të dyja drejtimet, ndërkohë një tren lokal shërben gjithashtu nga Dover Priory drejt Ramsgate.

Zjarrfikësit e Kent kanë njoftuar për një numër “incidentesh” pas një stuhie vetëtimash në Folkestone dhe Dover. Ekipet e shpëtimit janë duke u përpjekur të shuajnë një zjarr në nënstacionin elektrik në Dolland Moore Freight Depot, në Folkestone, bëjnë të ditur shërbimet.

Top Channel