Rusi, burgosen aktivistët anti-Putin
24/02/2014 15:20
Mediat: Soros paguan studentët radikalë për të nxitur urrejtje në protestat pro dhe kundër Palestinës në SHBA (fotot)
27/04 21:53
Tetë aktivistë u dënuan nga një Gjykatë Ruse për përleshje me policinë gjatë manifestimeve anti-Putin që përuruan mandatin e tretë të presidentit në vitin 2012.
Shtatë aktivistë të grupit “Bolotnaya” u dënuan me burgim deri në katër vjet heqje lirie, ndërsa e pandehura e tetë, një grua u la e lirë pasi u dënua me kusht.
Jashtë gjykatës ku u zhvillua ky proces, policia ndaloi më shumë se 200 persona që manifestuan në mbështetje të të pandehurve.
Aktivistët u shpallën fajtorë që ditën e premte, por gjykatësi shtyu shpalljen e masës së burgimit për këtë të Hënë.
Një veprim i tillë i pazakontë në gjykatat ruse u arsyetua nga mediat si një lëvizje e përllogaritur, për të shmangur vëmendjen negative në dy ditët e fundit të zhvillimit të Lojrave Olimpike Dimërore në Sochi.
“Amnesty International” protestoi ndaj vendimit të gjykatës ruse, duke e konsideruar atë si “të papranueshëm” dhe të “njëanshëm”.
Top Channel
