Aksidentet tragjike të së shtunës

Në Sarandë, një prej drejtuesve të mjeteve që hyri edhe në korsinë e gabuar, rezulton të kishte përdorur alkool tej normave të lejuara nga rregullorja. Për pasojë, policia mendon se ai ka bërë gabime të rënda në drejtimin e automjetit duke lëvizur nga korsia e tij dhe duke dalë në kahun tjetër të rrugës duke shkaktuar edhe aksidentin tragjik, ku humbën jetën 5 persona.

Ndërsa në eskpertizën e dytë, atë të bërë për aksidentin tragjik në Kukës, policia mendon se gjithçka i përket hutimit të drejtuesit të mjetit, i cili drejtonte një furgon pasagjerësh duke qenë në moshë të re, vetëm 21 vjeç. Duke marrë edhe dëshmitë e të mbijetuarve, rezulton se drejtuesi i mjetit ka qenë duke biseduar me të afërmit e tij, që ishin edhe pasagjerë në furgonin e kësaj linjeje dhe si rezultat ka reaguar me vonesë në marrjen e kthesës.

Megjithatë, në këtë eskpertizë policia nuk ka nxjerrë përfundimet e plota pasi vazhdon të kryejë kontrollin fizik mbi automjetin nëse ai ka qenë në gjendje të mirë teknike apo jo. Kjo do të vërtetonte nëse marrja e vonuar e kthesës ka qenë si rezultat i hutimit të drejtuesit të mjetit apo i gjendjes teknike të furgonit.

Top Channel