Rreziku nga kreditë e këqija
01/02/2014 00:00
Shtëpitë, “frenohet” rritja e çmimit/ Banka e Shqipërisë: Të huajt shtojnë interesin për blerjen e banesave
30/04 19:47
Niveli i lartë i kredive të këqija është shndërruar në një nga rreziqet
më të mëdha për ekonominë. BERZH e klasifikon Shqipërinë si vendin më
problematik për huatë e pashlyera, ndër ekonomitë në zhvillim të Europës
dhe Azisë.
Me keq është vetëm Kazakistani, ku kreditë e këqija llogariten në 36.7 për qind. Huatë me probleme në Shqipëri u rritën me ritme shumë të shpejta përgjatë viteve të krizës nga 3.2 për qind që ishin në 2007 në gati 24.4 për qind aktualisht.
Ky është treguesi më negativ në rajon. Ndryshe nga Shqipëria, vendet e tjera kanë arritur t’i administrojnë shumë më mirë rreziqet në tregjet e tyre financiare.
Sipas Bankës Botërore, në Maqedoni nga viti 2009 deri në fund të 2012-ës, huatë e pashlyera u rritën me vetëm 0.8 për qind. Në Bosnje rritja ka qenë më pak se 7 për qind, dhe po kështu edhe në Malin e Zi dhe Serbi.
Kjo në një kohë, kur këto vende janë përballur me recesion ekonomik dhe kanë një portofol kredie ndaj Prodhimit Kombëtar shumë më të lartë se Shqipëria, çka do duhet t’i bënte më të rrezikuara.
Mosmbajtja nën kontroll e kredive të këqija ka prodhuar dy pasoja negative në ekonomi. Së pari ka rritur rreziqet financiare për ekonominë, një fakt i vënë në dukje jo vetëm nga FMN dhe Banka Botërore por tashmë edhe nga agjencitë e njohura ndërkombëtare që merren me vlerësimin e riskut.
Por përveç kësaj, niveli i lartë i tyre po frenon rritjen ekonomike të vendit, duke i nxitur bankat të ulin ekspozimin në Shqipëri dhe t’i investojnë paratë në vendet e tjera ku perceptojnë më pak rrezik.
Top Channel
