Papa: Bashkë kundër dhunës
01/01/2014 00:00
Konflikti i armatosur në Lindjen e Mesme, analiza nga DW: Si po reagojnë vendet ndaj krizës energjetike botërore? 01/04 08:55
Papa Françesku i bëri thirrje mbarë botës, të bashkohet kundër dhunës “porsi vëllezërit e një komuniteti”, në bekimin e tij të parë për vitin 2014.
Duke iu drejtuar pelegrinëve në sheshin e “Shën Pjetrit”, Ati i Shenjtë iu shmang tekstit të përgatitur për të shprehur hidhërim për konfliktet në botë.
“Çfarë po i ndodh zemrës së njeriut? – pyeti ai. – Ka ardhur koha të ndalojmë!”.
Megjithëse nuk iu referua asnjë konflikti në veçanti, ai u kërkoi njerëzve të pranojnë dallimet mes tyre.
“Ne i përkasim të njëjtës familje dhe ndajmë të njëjtin fat. Kjo sjell përgjegjësi për secilin për të punuar dhe kështu bota shndërrohet në një bashkësi vëllezërish, të cilët respektojnë njëri-tjetrin, e pranojnë ndryshimin dhe kujdesen për njëri-tjetrin”.
Papa pritet të bëjë reforma gjatë këtij viti në Kishën Katolike. Ai kërkoi që kisha të ishte më pak e përqendruar te Vatikani dhe t’u jepet shumë më tepër pushtet priftërinjve lokalë.
Top Channel
